Si Joseph Rao Kony (namundag, c. 1961) iyo an pamayo kan inaapod na Lord's Resistance Army (LRA/ Hokbo ni Kagurangnan sa Pakikitusay ),sarong grupong gerilyang Ugandano. Manta ini kan enot nag'aani nin popular na suporta, an LRA buminaliktad asin pinag'api kaini an sadiring mga tagasurog, sa soboot pagpupuro sa banwang Acholi asin gibohon an Uganda na sarong teokrasiya.[2] Si Kony pigproklama niya an sadiri bilang iyo an tagataram kan Diyos na Kagurangnan asin bilang siya sarong sinapotan espiritu, kan Espiritu Santo orog na, na an pag'iriba pigtutubod ini napahiling sa manlaenlaen na porma. Sa teolohiyang pakasabot, an grupo sarong sinkretong pagsaralak nin mitisismo, Acholing nasyonalismo, asin Krsitiyanong pundamentalismo; ,[3][4][5][6][7][8][9][10][11][12] asin nangangako na matogdas nin sarong estadong teokratiko nababatay sa Sampolong Togon asin sa lokal na tradisyon Acholi. [13][14][15]
Si Kony pigsugo an pagdukot nin mga aki ngane gibohon na mga aking-oripon-sa-sex asin mga aking-soldados. [16] Pigtatayang mga 66,000 na ribong mga aki an nagin pirit na soldados asin mga duwang milyon na mga tawo an na'ukag, nabungkal sa dating mga estaran sa laog kan Uganda. .[17] Kan 2008, si Kony kinasuhan huli sa mga krimen gera kan International Criminal Court sa The Hague, Nederlands, alagad dai madakop'dakop. An hokbo ni Kony librelibreng luwas-laog sa kahiwasan kan Demokratikong Republika kan Kongo, sa Sentral na Aprikanong Republika, sa Habagatan Sudan, asin sa Sudan.[18]
↑Ruddy Doom and Koen Vlassenroot (1999). Kony's message: A new Koine? The Lord's Resistance Army in northern Uganda. 98. Oxford Journals / Royal African Society. pp. 5–36.
↑Martin, Gus (2006). Understanding Terrorism: Challenges, Perspectives, and Issues. SAGE. pp. 196–197. ISBN978-1412927222.